“وعد” جديد بتأمين التيار الكهربائي في لبنان 24 ساعة على 24. لكن الصدمة ان الوعد بتأمين الكهرباء لعام 2027 أي بعد 10 سنوات وذلك كما لحظته الخطة الجديدة التي وضعها وزير الطاقة سيزار ابي خليل، في وقت ان اللبنانيين وعِدوا سابقاً بتأمين الكهرباء 24/24 خلال عام 2015 في فترة تسلم الوزير جبران باسيل وزارة “الطاقة” ضمن حملة Lebanon on off.
وتعليقاً على هذه الخطة التي أقرها مجلس الوزراء اليوم في اجتماع في قصر بعبدا، ضجت مواقع التواصل الاجتماعي بالتعليقات المتعلقة بخطة الـ10 سنوات.
رئيس تحرير موقع IMLebanon طوني ابي نجم كتب ان ” الوزرا العونيين صرلن 8 سنين بوزارة الطاقة وما قدروا يجيبوا الكهربا، وهلق عم يطلبوا بعد بـ10 سنين… طولوا بالكن شوي تا يكبر ابنو لجبران وشوفوا ملا كهربا رح يجبلكن”. واضاف: “الهيئة العونيين مغلبطين بين إنتاج الكهربا وتخصيب اليورانيوم “.
وكتب الإعلامي أسعد بشارة عبر “فيسبوك”: “استئجار بواخر من دون مناقصات ودفتر شروط بمبالغ طائلة..ويتكلم الوزراء الناعمون عن مجرد “ملاحظات”..
وذكرت الصحافية مهى عون: “باسيل يطرح مشروع زيادة عدد استئجار بواخر توليد الكهرباء ووزيره في الحكومة يعدنا بزيادة ساعات الكهرباء خلال الصيف كل هالشي حتى تمر الصفقة ويقبض عليها زعيم التيار الوطني الحر شي كم مليار وسلملي عالكهربا في حال تم استئجار البواخر الجديدة فهالحكي التسويقي سوف يحاكي مصير الكلام السابق عن ال 24/24 كهربا
ناهيك عن أن هذا الإستئجار الجديد سوف يثقل كاهل المواطن بضرائب جديدة “.
الناشطة لارا صقر كتبت في السياق نفسه: “قال وزراء عون بدهم 10 سنين ليأمنوا كهربا 24/24 . مش عبانا بال2015! 10 سنين لشو!!! “.
بدورها علقت الناشطة سارة عساف فغردت: ” فاطمة غول بت سلّم عليكم وبت قلّكم انو أخواتها جايين عالطريق… ت يكهربوكم.
#مش_قليل_جبران_باسيل”.
وتحت عنوان “شو بتعمل الدول بـ10 سنين” كتب يورغو البيطار “10 سنين لتأمين الكهرباء 24/24 في لبنان حسب وزراء “التيار”!! ايه ايه الكهربا مش اي موضوع تاني.
شو بتعمل الدول والمنظمات بـ10 سنين؟
– ولي عهد دبي: رؤية تحويل دبي إلى عاصمة عالمية للمستقبل، تطبّق اليوم ما يطبّقه العالم بعد 10 سنوات.
– السعودية: خطة لـ10 سنوات لإنشاء ضاحية الفرسان الجديدة في العاصمة الرياض.
– لاس فيغاس: بعد خطة 10 سنوات اصبحت المدينة تعيش بالكامل على الطاقة المتجددة.
– مايكروسوفت تعد بالقضاء على السرطان في 10 سنوات.
– شركة “لوكهيد مارتن” الاميركية للصناعات الجوية: اقدام البشر ستطأ المريخ في 10 سنوات.
– 10 سنوات فقط تفصلنا عن انطلاق سيارات الأجرة الطائرة…
– الكونغو: خطة لزراعة مليون هكتار من الغابات خلال 10 سنوات.
#تعتير”.
وغرد سمير خليل: “الظاهر التجارة ببواخر الكهربا مربحة لتيار التغيير والإصلاح”. وقال خالد صالحة: “خصخصة الكهربا خصخصة الكهربا خصخصة الكهربا…اخر شي طلعت بواخر انتاج فقط!!! يعني زت مصاري عالفاضي!”.
وذكر جان الدويهي: “وطن النجوم … #أبي_خليل هنا ، أتذكر خطّة #باسيل لتأمين الكهرباء ٢٤/٢٤ في نهاية عام ٢٠١٥ لقد تمّ تأجيلها إلى ٢٠٢٧”.
حسن خليفة علق كذلك قائلاً: “بعد ١٠ سنين الاميركان ببلشوا يبعتوا ناس عالمريخ ، الامارات بيعملوا تاكسي طيران . نحنا على حسب قولن بيصير عنا كهربا ٢٤/٢٤ .شو بدو يحكي الواحد”.
ونختم مع “وعد انتخابي” يقابل الوعد الكهربائي أطلقه مختار غزاوي: “بعد بدنا ننطر ١٠ سنين ليصير في #كهربا ب #لبنان .. حاصلنّه، سأنتخب كل من هو غير حزبي و ضد هذه السلطة بالإنتخابات القادمة.. نشالله نجاح واكيم!”.
