ضجت الأوساط الإعلامية بالأنباء عن مرسوم لتجنيس نحو 360 شخص من جنسيات عدة خصوصاً من سوريا وفلسطين لما لذلك بعلاقة بالمخاوف من التوطين فاشتعلت مواقع التواصل الاجتماعي بالتعليقات التي تناولت هذا الملف من نواحٍ عدة.
وطالب عدد من الناشطين بصدور توضيح عن الرئاسة حول هذا الموضوع خصوصاً وان ثمة معلومات أشارت إلى أن الرئيس العماد ميشال عون عمد الى توقيع هذا المرسوم، فيما اعتبر سأل آخرون كيف تمنح الجنسية لرجال اعمال محظيين غير مرتبطين بلبنان في وقت تحرَم لأبناء اللبنانية المتزوجة من اجنبي؟
وأطلق ناشطون كذلك وسم #لا_للتجنيس_لا_للتوطين للتعبير عن رفض هذا القرار خصوصاً وأن البعض اعتبره في اطار توطين مبطّن، فيما أشار آخرون الى ان المشكلة ليست بالتجنيس بحد ذاته انما بالمعايير التي اعتمدت والضبابية التي تحيط بهذا الملف.
بعرف لبنانيي ابّاً عن جد ساكنين بلبنان ، لانو جدّن كان برّات البلد سنة 1932 بعدن لهلأ بلا جنسية. و هلأ كم شخص معو ليرتين بيطلعن مرسوم تجنيس #عهد_التوطين
— حدشيتي (@Hadxhity) May 31, 2018
بكل دول العالم في تجنيس و اللبنانيين كمان بيقصدو اوروبا و اميريكا بهدف التجنيس ، القصّة بالمعيار بس مش بالأصل ! #الجنسية_للقادرين#تيار_التجنيس
— Mariam? (@MariamRouhana77) May 31, 2018
بين القانون رقم 10 في سوريا ومرسوم تجنيس شركاء الاسد في لبنان وكلام الراعي وغيره عن ضرورة اعادة اللاجئيين الى بلادهم، انتظروا اقتراح "رمي السوري الفقير في البحر"
— alia (@aliamansour) May 31, 2018
رفضاً لأي قرار توطين أو تجنيس يُظهِر خللاً في الدولة اللبنانية وبناءً على هذا الرفض سيُطلَق اليوم هاشتاغ #لا_للتجنيس_لا_للتوطين عند الساعة الثالثة نتمنى مشاركتكم ??????
— Real Johnny khalaf (@Jhonny_khalaf) May 31, 2018
#مرسوم_تجنيس رجال أعمال سوريين وفلسطينييت أغنياء… مفيد جدا لجيوب يلي وراه…
مكافحة الفساد قال… هاهاها
أول دخولو مرسوم اطول من طولو— SAM ?? (@sammy_salamy) May 30, 2018
#لا_للتجنيس_لا_للتوطين
اذا كان بالنسبة ألك الزعيم اهم من البلد بتتوقع إنّو البلد بيعني للزعيم شي ؟؟؟— ?10452? (@ali00lb) May 31, 2018
بينحفونا بترحيل النازحين
و ع المعس منوقع قرار تجنيس
شو بسمو هيدا !!!!! انفصام او جنون
#لا_للتجنيس_لا_للتوطين— Rania Alaaeddine (@RAlaaeddine) May 31, 2018
#لبنان محكوم من تحت الطاولة !!!#لا_للتجنيس_لا_للتوطين #لا_لمرسوم_التجنيس
— Samir Youssef (@ssyyou) May 31, 2018
#لا_للتجنيس_لا_للتوطين يا معتر يا لبنان بدل ما يحلو مشاكلك بيتفعلوا مشاكل جديدة لبنان للبنانين البلد عايش فيها شعب مو شلة سياسين فاسدين قرفتونا
— jeje????? (@JejeNmo) May 31, 2018
الصراع بين أركان الحكم لتجنيس الأغنياء…عيب عليكن? #لا_للتجنيس_لا_للتوطين
— Zena Hassan Harb (@HarbZena) May 31, 2018
#تيار_التجنيس طيب سؤال. فيي بيع جنسياتي لاحد تاني والسعر مناسب من بشتري يا شباب pic.twitter.com/gjoHyGmof0
— mk sammouri (@mksamri) May 31, 2018
جنسية لبنانية للبيع كاملة مع هوية وباسبور واخراجات قيد عائلي وفردي بكم الف دولار . يا بلاش قرّب عالبلاش ???#تيار_التجنيس#الجنسية_للقادرين
— ?? Lina ?? (@abakaljanoub) May 31, 2018
انا من بكرا رح اعمل اخراج قيد عائلي لشوف كم واحد صرنا
وانتو كمان اعملوا هيك حتى ما تتفاجئوا باخوة جديدة #تيار_التجنيس?????— salim dayekh (@salimdayekh) May 31, 2018
