فقدّر عدد من الباحثين بكلية لندن الجامعية، خسارة متوسّط العمر المتوقّع لكلّ سيجارة بنحو ١٧ دقيقة للرجال و٢٢ دقيقة للنساء.
يعني وبحسب الدراسة يلي انعملت على مدخنين بريطانيين، تدخين ٢٠ سيجارة باليوم، بعادل حوالى ٧ ساعات من العمر المفقود.
وأوضحت الدراسة، إنو التدخين ما بأثر على الفترة الأخيرة من حياتكن، بل بيتسبب بتآكل بعض الأجزاء الأكتر صحة بمنتصف عمركن.
وتوصلت الأبحاث، لإنو الأشخاص يلي بدخنوا كل حياتن، قادرين يخسروا نحو ١٠ سنوات من عمرن، مقارنة بالأشخاص يلي ما بدخنوا.
ولازم تعرفوا، إنو توقيف الدخان قبل سن الأربعين، ممكن يقلل من خطر الوفاة بسبب الأمراض المرتبطة بالتدخين بنسبة ٩٠٪ تقريبًا.
وهلق من بعد كل هالدراسات… بلشتوا تفكروا جديًّا توقفوا تدخين بال٢٠٢٥؟
