بوقت عم يتم في الحديث عن محاولة إسرائيل لتمديد التمديد وإبقاء قواتها بخمس نقاط بجنوب لبنان حتى 28 شباط، خرق الطيران الإسرائيلي الأجواء اللبنانية وسط اصرار لبناني على انسحاب الجيش الإسرائيلي ب18 شباط وحذرت اسرائيل من عمليات تهريب أموال عم تصير من قبل الحزب بمطار بيروت.
يعني فينا نقول إسرائيل عم تهز العصا لتشدد على تنفيذ بنود اتفاق وقف اطلاق النار والتزام المسؤولين اللبنانيين بالقرارات الدولية ووضع حد لسلاح حزب الله وقطع محاولات إعادة تسليحو.
غير ما ينسحب الحزب من جنوب الليطاني ويتمركز الجيش اللبناني بالجنوب ويفكك كل منشآت حزب الله على كامل الأراضي اللبنانية، إسرائيل رح تضل متمركزة بالبلدات الحدودية تحت حجة حماية مواطنيها.
الأجدى بالحزب اليوم انو يسلم ترسانته العسكرية للجيش اللبناني بجنوب الليطاني وبشمالو كمان، لأن سلاحو ما جاب للبنان الا الدمار وحربو الأخيرة ما جابتلو الا خرابو.
كل هل التحديات موضوعة اليوم امام رئيس الجمهورية والرئيس المكلف نواف سلام وحكومة الإنقاذ. فهل رح ينفذوا القرار 1701 ويلتزموا بالقرار 1559 وتستعيد الدولة الدولة؟ وشو موقف حزب الله من التمديد الجديد خصوصة بعد تعيين تشييع نصرالله وصفي الدين ب23 شباط؟ رح يتأجل التشييع او معقول ترجع المناكفات بالجنوب؟
