من بعد الأحداث الأخيرة يلي شهدا طريق مطار رفيق الحريري الدولي من قبل جمهور حزب الله، قررت شركات طيران دولية تعليق رحلاتها بـ23 شباط لبيروت، ويلي بصادف يوم تشییع السید حسن نصر الله والسید هاشم صفی الدین.
اجراء احترازي من قبل الدول حفاظا على أمن المسافرين من بعد ما تم التعرض لقوات اليونيفيل بتحركات حزب الله الأخيرة.
بالإضافة لانو إسرائيل بعدا عم تستهدف كل مسؤول على علاقة بحماس او بالحزب بأي منطقة بلبنان، ومع اقتراب يوم التشييع تحركاتن عم تكتر ووجودن ببيروت وضواحيا كمان.
يعني احتياطا، قررو شركات الطيران يبعدوا عن الشر أضمن، بوقت عم يطالب في اللبنانيين وعدد كبير من النواب بإنشاء مطار ثاني خارج بيروت.
والعين أكيد اليوم على مطار الرئيس الشهيد رينيه معوض بالقليعات ويلي صار الحديث عن إعادة تشغيلو اليوم جدّي من بعد ما أعلنت حكومة نواف سلام ببيانها الوزاري التزامها بإعادة تشغيل مطار رنيه معوض بالقليعات وتطوير مطار رفيق الحريري الدولي .
مطار جديد رح يطمّن ويريّح اللبنانيين والمجتمع الدولي ورح يأمن الازدهار لمناطق الشمال من بعد ما قطع سنوات كتيرة من الإهمال والحرمان على اهاليها.
