قيادة حزب الله مش بالعة اطلالة النائب السابق نواف الموسوي، ويلي اعترف فيا بتقصير الحزب بالحرب الأخيرة، وخصوصة بعملية البيجر يلي اعتبرها مش انجاز إسرائيلي بل تقصير من الحزب.
يعني مش بس الناس متفاجأة كيف بيمرق هيك موضوع على قياديي الحزب حتى الموسوي ويلي هوي مسؤول ملف الموارد والحدود في حزب الله مستغرب من عدم مرور أجهزة البيجر على الأمن الوقائي للحزب.
وكشف انو فكرة البيجر منا جديدة عند الحزب وهوي حزب الله نفسو كان منفذا من قبل، فعماد مغنية كان هوي مفخخ بيجرات خلال عمله.
الموسوي ما خلا ستر مغطى بالمقابلة، من أمور واسرار جديدة لاسلوب الحزب قديما بالتعاطي مع أمور كتيرة، ساعة افتح قلبك مع الموسوي.
من بعد حديثو عن القصور والتقصير بصفوف الحزب، الموسوي عم بواجه موجة استياء عارمة بصفوف الحزب، فهل رح يتم اتخاذ تدابير مسلكية بحقو او رح يتم طردو، أو انو هوي أساسا مش عاجبو شغل الحزب كلو وما بقى يناسبو ارتباطو بالقيادة الجديدة؟
