من بعد البداية المتعثّرة للعام الدراسي، جراء الأوضاع الأمنية الصعبة بجنوب لبنان والبقاع وضاحية بيروت الجنوبية، صار مصير الإمتحانات الرسمية على كف عفريت.
فالمدارس الرسمية يلي استقبلت النازحين بفترة الحرب، خسرت ساعات طويلة من العام الدراسي، وعم تواجه صعوبة بمجارات المدارس الخاصة، بلا ما ننسى طلاب الجنوب يلي انحرموا من العلم على مدة طويلة، والبعض ما زال لحد هاللحظة خارج مقاعد الدراسة.
ومع عودة الحياة لطبيعتا نسبيًّا، بيبقى السؤال الأهم، شو مصير الإمتحانات الرسمية؟ وشو خطة وزارة التربية يلي بلّش الوقت يداهما؟
وزيرة التربية ريما كرامي، أكدت إنو مصير شهادة البريفيه رح يتحدد قريبًا، وتوقعت إنو ما يكون في مواد إختيارية بالامتحانات، يلي من المفترض إنا تحصل بتموز المقبل.
كما إنو كرامي رجّحت يكون في وضع خاص لطلاب الجنوب.
وشددت على إنو التعليم حق ومش عبء، ووعدت إنا تشتغل على حل لأوضاع الأساتذة والجامعة اللبنانية بحسب إمكانات الدولة.
فهل رح التم الإمتحانات الرسمية بشكل عادل ومنظم، وتثبت وزارة التربية جدّيّتا بالعمل على تحسين مستوى التعليم بلبنان من بعد سنوات من التحديات والأزمات يلي أدت إلى تدهور القطاع التربوي؟
