كشفت دراسة حديثة أجراها باحثين بجامعة للطب بنيويورك، عن وجود علاقة محتملة بين حمض اللينوليك، وهو من أحماض أوميغا-6 الشائعة بزيوت الطهي متل الدرة ودوار الشمس، وتطور سرطان الثدي الثلاثي السلبية، أحد أكثر أنواع السرطان عدوانية.
وأظهرت الدراسة إنو هالنوع من الحمض، بيرتبط ببروتين موجود بنسبة عالية داخل الخلايا السرطانية، الأمر يلي بأدي لتنشيط مسار خلوي، مسؤول عن تنظيم نمو الخلايا، فيبتسبب بتسريع نمو الأورام.
وبيّنت تجارب أُجريت على الفئران، إنو الأنظمة الغذائية الغنية بحمض اللينوليك، أدت لنمو أورام أكبر… كما تم رصد مستويات مرتفعة من الحمض والبروتين، بدم مرضى مصابين بهيدا النوع من السرطان.
بالوقت يلي أوضح في الباحثين، إنو الدراسة ما بتثبت إنو الزيوت النباتية بتسبب السرطان، لكنها بتكشف عن دور بيولوجي محتمل بظروف معينة.
ورغم أهمية حمض اللينوليك لصحة الجلد والخلايا، إلا إنو الإفراط بتناولو مع قلة أحماض أوميغا-3، ممكن يسبب إلتهابات مزمنة، بتساهم بتطوّر أمراض متل السرطان.
