بعدو فيديو كف بريجيت للرئيس الفرنسي ايمانويل ماكرون عم ينتشر ويتفاعل، مش بس عبر مواقع التواصل بل بين السياسيين الدوليين والفرنسيين كمان…
محاولة ماكرون لقلب الموضوع لمزحة بينو وبين زوجتو باءت بالفشل.
الخصوم بالسياسة شمتو والفرنسيين قلبو القصة لنكت ودعايات. ومحللي لغة الجسد فسرو طريقة الكف ويلي لحق هالكف من تصرفات وردات فعل.
المتحدثة الرسمية باسم وزارة الخارجية الروسية ماريا زاخاروفا شبهت كف بريجيب بايد الكرملين ورجعت ذكرت بقصة فضيحة الكوكايين يلي طالت ماكرون من شهر تقريبا ويلي كبوا القصة على الصحافيين بحسب زاخاروفا.
يعني روسيا شمتانة مش بكف بريجيت بل بيلي تلقى فضيحة الكف والفضيحة السابقة
هلّق خلونا بالمهم ويلي بهم الرجال، الفرنسيين خصوصة: زوجتك عم تضربك؟ شو ناطر؟ اتسجل بدورات الدفاع عن النفس!
