بالرغم من التصعيد المتواصل بجنوب لبنان، رجع ملف التجديد لقوات “اليونيفيل” للواجهة وعامل بلبلة محلية ودولية مع تداول معلومات صحفية عن توافق أميركي–إسرائيلي لإنهاء مهمتها، وسط نفي رسمي لبناني لتلقي أي إشعار رسمي بهالموضوع.
مع الاقتراب من موعد التجديد لليونيفيل، كل مرّة كباش لتعديل صلاحيات القوة الدولية، بس هالسنة الموضوع حساس أكتر من قبل بظل الحرب المستمرة، والضغوط المتزايدة على لبنان لنزع سلاح حزب الله.
السيناريو المطروح اليوم بيتجاوز حدود النقاشات الدبلوماسية المعتادة، مع إصرار واشنطن على إعطاء القوات الدولية صلاحيات استخدام القوة.
بالتوازي، عم يتم تسريب معلومات عن دور عم تلعبو فرنسا للتمديد لليونيفيل بصيغة توافقيّة بتحفظ التوازنات القائمة وبالتالي ما بتستفز الداخل اللبناني.
أقل من شهرين بيفصلونا عن تاريخ التجديد أو عدمو لليونيفيل، فهل رح تنجح إسرائيل باقناع مجلس الامن بسحب قوات اليونيفيل من الجنوب وبالتالي بتصير قادرة تنفذ مخططا وتوصل لليطاني؟
هل تنجح إسرائيل بسحب اليونيفيل من الجنوب؟
