إذا كنتوا مفكرين إنو شرب القهوة بالتزامن مع تناول أدوية شائعة الإستخدام، شي عادي، فإنتو غلطانين.
فالكافيين الموجود بالقهوة، ممكن يقلل من فعالية أدوية القلب، الأمر يلي بزيد من خطر اضطرابات ضربات القلب الخطيرة.
كما إنو الكافيين بيتفاعل مع أدوية أخرى، وبسبب أعراض مزعجة، متل الأرق والصداع وتسارع ضربات القلب والارتباك ونزيف المعدة.
أدوية نزلات البرد الشائعة مثلًا، بتحتوي على مزيل إحتقان بعزز تأثير الكافيين، وممكن يأدي لتفاقم الأعراض، وبيرفع مستويات السكر بالدم ودرجة حرارة الجسم.
أما تناول أدوية منشطة لعلاج اضطراب فرط الحركة ونقص الانتباه، مع القهوة، فبزيد من خطر تسارع ضربات القلب واضطراب النوم.
والقهوة كمان، بتأثر على فعالية مضادات الاكتئاب، وبتقلل من فعالية أدوية الغدة الدرقية، إذا شربتوَا قبل أو بعد الدوا مباشرة… مشان هيك، يُنصح بإنتظار 30 لـ60 دقيقة قبل شرب القهوة بعد تناول الدواء.
