الى المجتمع الدولي: اطلبوا تجدوا. بدكن نكافح الفساد منكافح. بدكن نحاسب الفاسدين منحاسب…
من قلب مجلس النواب، صار في مشهد غير مألوف: رفعوا الحصانة عن الوزير السابق والنائب جورج بوشكيان، وبلشوا يحكوا عن فساد وزراء الاتصالات.
3 وزراء سابقين بطرس حرب، نقولا صحناوي وجمال الجراح، رايحين على لجنة تحقيق.
لاول وهلو منقول: أخيراً بلشت المحاسبة. بس منرجع منتذكر انو لبنان بعدو بعيد شوي من ارض الاحلام، وهالمسرحية بعدها بأول فصل.
يعني تخيّلوا، البعض من النواب اللي صوتوا على رفع الحصانة مطلوبين للقضاء. وتخيلوا انو توصل المحاسبة لوزراء الطاقة المتعاقبين ونعرف شو صار بأموال الكهربا والسدود… بس تخيلوا!
إذا نية مكافحة الفساد صحيحة، لازم يوصل التحقيق للكل… بدون محسوبيات، ولا تسويات.
على أمل ما تكون هالمشاهد من مجلس النواب مسرحية لتسكيت والهاء اللبنانيين والخارج. انو بلكي هالمرّة نقدر نصدق.
