أثار إعلان “حزب الله” عن نيّتو باضاءة صخرة الروشة بصور الأمينين العامين حسن نصرالله وهاشم صفي الدين بذكرى مرور عام على اغتيالن، موجة اعتراض كبيرة ببيروت لأنو ولا مرة تم استعمال صخرة الروشة لأهداف حزبية.
نواب العاصمة وصفوا الخطوة إنّها “استفزازية ومرفوضة”، وأكّدوا إنّ الروشة رمز وطني جامع وما لازم تتحوّل لمنصّة للدعاية الحزبية.
وبينما كشف النواب على انو الحزب ما استحصل على أي إذن رسمي من محافظة بيروت، اعتبروا إنو أي نشاط عالأملاك العامة لازم يخضع للقانون.
بالمقابل، شخصيات رسمية من “حزب الله” ردّت عل الانتقادات معتبرة إنّ نصرالله “مدرسة بالتضحية”، ودافعت عن حق الحزب بإحياء الذكرى.
القضية فتحت نقاش واسع عالسوشال ميديا بين معارضين ومؤيدين، وحطّت صخرة الروشة، رمز بيروت ووجه لبنان، بصلب معركة جديدة حول هويّة ورمزية بالعاصمة.
ليه اختار الحزب صخرة الروشة وخصوصاً بظل الابعاد المذهبية للنشاط؟ والأهم ليه الحزب ما بيعمل نشاطو بالضاحية متل العادة؟ وهل ناوي حزب الله يشعل فتنة جديدة بقلب العاصمة انطلاقا من هالاستفزاز الفاقع؟!
