إشكال داخل فان بين الـchauffeur وعدد من الركاب بسبب زيادة التعرفة بشكل مفاجئ تراوح بين 50 و100 ألف ليرة لبنانية.
ناموا اللبنانيين عتسعيرة ووعيوا عتسعيرة جديدة للبنزين من بعد ما قررت الحكومة زيادة 300 الف على تنكة البنزين.
السناريو نفسو عم يتكرر مع كل حكومة بتدعي الانقاذ.
شو رح تحمل هالزيادة غير موجة غلاء جديدة غير مضبوطة رح تطال كل القطاعات؟
اللي صار بالجلسة الاخيرة منو الا امتداد لسياسات الحكومات السابقة يلي أوصلت البلد للانهيار.
حكومة سلام بدل ما تحط خطة إنقاذ فعلية وتبلّش بإصلاح القطاع العام ووقف الهدر والفساد، عم تعتمد إجراءات ترقيعية قديمة: بتعطي زيادات من ميل وبترجع بتسحبن من جيبة المواطنين أضعاف.
يعني افكار انقاذية مبتكرة مش مارقة علينا قبل.
عيب على هالحكومة يلي اللبنانيين والعالم كلو حاطط امالو فيا ترجع تعيد فساد كل يلي سبقوها وترجع ما تلاقي حلول لمشاكلها غير من جيبة المواطن يلي اهترت قد ما سرقتوها.
قلنالكن هالزيارات المناطقية بلاها وحركات التواضع بالمطارات وعالطرقات بلاها. للناس يشوفوكن منن وفين بلشو بانكن تحطوون اولوية مش تشوفون atm متنقلة.