خسارتان كبار للحزب بالايام الأخيرة. أول خسارة بمقتل المرشد الإيراني علي خامنئي، أما تاني خسارة فانكسار الجرّة بينو وبين حليفو وخيو الرئيس بري من بعد ما أخلّ بوعدو الو بعدم التدخل بالحرب الإيرانية الإسرائيلية الأميركية وكب 6 فتيشات وفوتنا بملغوصة حرب ما النا فيا.
هلق الحزب بقول انو هوي ما وعدو بشي وانو هوي عم بدافع عن أرضو. مع انو ما شفني كب ولا صروخ ع قَولت مناصرينو لما تم اغتيال أمينو العام حسن نصرالله ولا اتحرك من بعد كل الاستهدافات الإسرائيلية يلي طالت مسؤولي من وقف اطلاق النار لليوم.
هيك دبت في روح المقاومة فجأة مع اغتيال خامنئي وقرر يعرض اللبنانيين عموما وأهل الجنوب خصوصا للخطر والتهجير من دون ما يعمل أي حساب لتداعيات الحرب.
اذا ايران وسلاحها النووي والتطور كلو ومن أول نهار خسرت كل قياديينا، انتو على شو متكلين بالظبط؟ انو عاملين أداة الهاء كرمال الإيرانيين تنخفف عنن شوي. منقسم الضربات بالنص؟
يعني المبتدء بيعرف انو لما بدو يفوت بمشروع بيعمل حساب شو قلو وشو عليه وكيف بأمن على موظفي والشركاء اللي معو. مش بفوت بحرب عالمية تالتة بـ6 صواريخ!
هلق خبصا وخبصتوها شوفو كيف بدكن تصالحو الرئيس بري يلي ما بدو يرد عليكن بقا وصاير close لعون وسلام.
خسارتان للحزب
