بكل حادثة في فعل وفي ردة فعل. بس مع الحزب في فعل وردات فعل منظمة لاشعال الفتنة.
فيديو كاريكاتوري من محطة إعلامية بيتحول لحملة ممنهجة من قبل حزب قاسم لإهانة البطريرك الماروني الكاردينال مار بشارة بطرس الراعي علما انو الفيديو المنشور من قبل المحطة ما الو أي صلة بالأديان وهوي موجه ضد الحزب وإسرائيل والحرب القائمة على لبنان.
كيف تحوّل موضوع سياسي وأمني لموضوع ديني؟
الموضوع بسيط وبطلو قيادي من الحزب. فمتل ما في جيش مسلح للحزب عالأرض في جيش الكتروني ورا شاشات التواصل الاجتماعي. شغلتن فبركة الصور ونشر الاساءات بتوجيه من الحزب.
يعني وَجهو اهانات للبطريرك بوجهو، وجهو تحيات للحرس الثوري بوجهو. فبركو صور وهينو اعلى مرجع مسيحي بلبنان بفبركو.
بدكن شهادات بالوطنية عندن. بدكن اتهامات بالعمالة… يوجد.
كلو منظّم. انتو بس قولو أي ملف بدكن والشباب جاهزين. بس للأسف هالمرّة القضاء والأجهزة الأمنية كلها وراهن لملاحقتن واحد واحد هيدا اذا سلمو من الغارات الإسرائيلية.