بينما الأنظار متجهة نحو سويسرا، حيث بتنطلق الجمعة أول جولة من المفاوضات التقنية المباشرة بين الولايات المتحدة وإيران، سؤال واحد بيشغل بال اللبنانيين: وين موقع لبنان من هيدا الاتفاق.
المفاوضات المرتقبة ما رح تقتصر على الملف النووي الإيراني، بل كمان رح تتناول الأموال الإيرانية المجمّدة ورفع العقوبات، بمشاركة دول إقليمية ودولية، وبحسب معلومات متداولة رح تكون في جلسة خاصة وغير معلنة مخصّصة للبنان وحزب الله.
بهيدا الوقت، عم تتكثف المواقف الإسرائيلية المرتبطة بجنوب لبنان. الجيش الإسرائيلي أكد استمراره بالانتشار داخل “المنطقة الأمنية” جنوباً، فيما كشفت صحف اسرائيلية انو المؤسسة العسكرية الإسرائيلية عن تطالب بالاحتفاظ بحرية تنفيذ عمليات عسكرية بكل لبنان، والإبقاء على منطقة عازلة، بالإضافة لنزع سلاح الحزب.
الملف اللبناني حاضر بقوة على طاولة التفاهمات والمفاوضات حول هالملف رح تكون صعبة بين واشنطن وإسرائيل.
بس هالملف رح يكون منفصل عن الملف الإيراني ومصيرو متعلق بالمفاوضات اللبنانية الإسرائيلية يلي رح تنطلق بـ 22 حزيران بوشنطن ويلي رح تتبع بزيارة لرئيس الجمهورية جوزاف عون لوشنطن. وبالتالي كل الرهان على انو القرار بايد ايران بلبنان ساقط والدولة اللبنانية هي الوحيدة التي رح تتخذ القرار بالملف اللبناني .