الأكشن” على حدود لبنان من شمالو لجنوبو ما بيخلص.
فبالأيام الماضية، شن الأمن العام السوري وإدارة العمليات العسكرية، حملة تمشيط وسيطرة على القرى السورية الواقعة بريف حمص الجنوبي الغربي، وهي مناطق ريف القصير الحدودية مع شمال شرقي لبنان، الأمر يلي أدى لمواجهات مع العشائر بالمنطقة، قبل ما يتدخّل الجيش اللبناني. بالوقت يلي عم تتواصل في الإتصالات بين لبنان وسوريا للتهدئة.
ودفع الجيش بتعزيزات عسكرية للحدود الشمالية الشرقية، مع إشتداد القصف من الجهة السورية، وعم ينفّذ تدابير أمنية إستثنائية على امتداد الحدود، من بعد ما أصدر رئيس الجمهورية العماد جوزيف عون، الأوامر للوحدات العسكرية المنتشرة، بالرد على مصادر النيران يلي أُطلقت من الأراضي السورية.
يعني البلدات اللبنانية الحدودية بحالة ميني حرب، على وقع القذايف المدفعية والصاروخية يلي عم تستهدف المنطقة وسكانا.
فهل رح تخرج الأمور عن السيطرة، وتولع جبهة لبنان الشمالية!؟
View this post on Instagram