التيار مصرّ يضل متخبى ورا اصبعو، لاء يا ليت متخبى، مصرّ يتذاكى ويصوب هالاصبع وتقصيرو ووعودو الكاذبة على غيرو.
من بعد شتوة محرزة ومتل العادة في بعض الطرقات فاضت بالمي، ورئيس الحكومة نواف سلام أصدر موقف سريعا وطلب التحقيق والمحاسبة تجاه المتسببين. للأسف لو كان بعدا غادة عون بالقضاء كانت حاسبت المقصرين أكيد.
بهالوقت قناة العهد السابق الـOTV ما لاقت شي تنطلق في نشرتها، لأن مواقف الرئيس جوزاف عون الأخيرة وزياراتو واتفاقاتو هودي كلن منن مهمين اليوم، الأهم هي الطريق الفايضة وتحميل وزراء “ما الن بالقصر غير من مبارح العصر” مسؤولية تقصير أسلافن يلي كان عهد رئيسن ميشال عون وجبران باسيل وصيين علين.
المضحك المبكي انو التيار يلي عهدو حمل أسوأ مرحلة مرت على لبنان، اقتصاديا وأمنيا وانمائيا، اليوم عم يستهزء ويستخف بأداء حكومة عمرا كم يوم، على أساس سلمو عهد جوزاف عون امارة… انتو مرفأ بيروت وطيّرتو من محلو.
على كل، كل عهد وانتو ووعود الإصلاح ووعود التغيير ووعود الكهرباء 24/24 بخير…
View this post on Instagram