مدينة كاملة موجودة تحت أهرامات مصر… العالم كلو مشغول بهالخبرية، فشو هي القصة الكاملة؟
مجموعة من العلما أعلنوا عن وجود مدينة قديمة مدفونة على عمق 1200 متر، تحت أهرامات الجيزة بمصر، بالوقت يلي واجه هالاكتشاف شكوك من طرف خبراء الرادار.
وذكر باحثين من إيطاليا واسكتلندا، إنن حققوا هيدا الإكتشاف الثوري، بعد إستخدام تقنية رادارية كشفت عن مدينة مترامية الأطراف، مخفية تحت الأهرامات.
وبحسب المعلومات المتداولة، فتم العثور على نظام مائي قديم.
كما إنو فريق المشروع عثر على 5 مبانٍ يُرجّح إنا متصلة ببعضها عبر ممرات، وإنو 8 أعمدة موجودة أسفلا مباشرة.
وأفاد قائد المشروع، بإنو كل بير من هالآبار العمودية، بيوصل عمقو لـ650 متر تحت الأرض.
وقال الباحثين، إنن حلّوا لغز عملية نقل مواد البناء لموقع الأهرامات، يلي صارت عبر مجرى مائي جافّ حاليًّا، وبينبع من نهر النيل وبمرّ عبر الجيزة.
وأشاروا إلى إنو هرم خفرع ممكن يخفي أسرار كتيرة، وأبرزا قاعة السجلات الأسطورية.
بالمقابل، أكد بروفيسور من جامعة دنفر بالولايات المتحدة، متخصص بالرادار وعلم الآثار، لصحيفة “ديلي ميل”، إنو نبضات الرادار مش ممكن ترصد شو موجود على هيدا العمق تحت الأرض.
واعتبر إنو مزاعم عثور الباحثين على مدينة شاسعة تحت الأهرامات، مبالغة كبيرة.
ومع ذلك، قال إنو ممكن يكون في هياكل أصغر، متل الأعمدة والغرف.
وإنتو شو بتقولوا… هل في عالم كامل مخفي تحت الأهرامات؟
View this post on Instagram