عم يشهد النظام التجاري العالمي هزة مع دخول الرسوم الإضافية اللي أعلن عنها الرئيس الأميركي دونالد ترامب حيّز التنفيذ، ويلي استهدفت اكتر من ٧٥ شريك تجاري للولايات المتحدة، قبل ما يرجع يجمدها لـ90 يوم باستثناء الرسوم على المنتجات الصينية يللي رفعها للـ125٪
وبوقت عم يتواصلو قادة الدول مع ممثلي الولايات المتحدة و”يتوسلوا”، بحسب تعبيره – للتوصل لاتفاق، بقيت الصين، الوحيدة يلي انتقلت من الكلام للفعل من بعد ما زاد ترامب عليها الرسوم بشكل قياسي، ورفعت رسومها الجمركية الانتقامية على المنتجات الأميركية من 34 ل 84 بالمية.
حرب تجارية بين أكبر اقتصادين بالعالم، ونسبة الرسوم عم ترتفع تدريجيا مع ارتفاع التوترات التجارية. لوين هالحرب ممكن توصل ما حدا بيعرف، وهل ممكن تخضع بكين لشروط ترامب؟ يمكن هيدا هوي سؤال المليون دولار… أمام نحنا بلبنان فمنسأل: هل رح يلحقنا شظايا الرسوم المرتفعة او رح يضل تأثير قرار ترامب الاقتصادية علينا محدود؟
View this post on Instagram