هل بتعرف إنو الدوا يلي بتعطي لطفلك اليوم، ممكن يسببلو أمراض معيّنة بعد سنوات؟
فكشفت دراسة حديثة أجرتا جامعات بالولايات المتحدة، إنو الإفراط باستخدام المضادات الحيوية بسن الطفولة، بأدي لمضاعفات صحية خطيرة لاحقًا، متل الربو وحساسية الطعام.
والدراسة حللت بيانات أكتر من مليون طفل، ودرست تأثير المضادات الحيوية على أكتر من عشر حالات مرضية مختلفة… وكانت النتائج على الشكل التالي: الأطفال يلي تناولوا المضادات الحيوية بسن مبكر كانوا أكتر عرضة بنسبة 24% للإصابة بالربو، و33% للإصابة بحساسية الطعام، بمراحل لاحقة من حياتن.
والسبب الرئيسي بحسب العلماء، هو إنو المضادات الحيوية بتأثر على التوازن الطبيعي للبكتيريا النافعة بالأمعاء… وهيدا التوازن مهم جدًا لتقوية جهاز المناعة وتطويرو بشكل سليم، خصوصًا بأول سنتين من عمر الطفل.
بالمقابل، ما لقيت الدراسة أي علاقة مباشرة بين المضادات الحيوية وأمراض متل التوحد، داء البطن، أو إضطراب فرط الحركة وتشتت الإنتباه.
ورغم أهمية هالنوع من الأدوية لعلاج العدوى البكتيرية، بشدد الخبراء على ضرورة استخداما بحذر، وخصوصًا للأطفال تحت سن العامين.
View this post on Instagram