بين الغارات والمفاوضات، وبين التصعيد والحوار، المشهد السوري–الإسرائيلي عم يتحرك بسرعة… وتصريح لافت للمبعوث الأميركي إلى سوريا، توماس برّاك خلال زيارتو للبنان قال فيه إنو “الحوار بين سوريا وإسرائيل بلّش، والجميع مستعجل يوصل لاتفاق”.
بالتزامن مع هالتصريح أعلنت قوى الامن الداخلي بسوريا عن تنفيذ عملية خاصة بمدينة البوكمال ومحيطها تم خلالها توقيف خلية مرتبطة بالحرس الثوري الإيراني.
وبجنوب سوريا، الجيش الإسرائيلي أعلن عن اعتقال خلية بتشتغل لصالح فيلق القدس الإيراني وهيدي تاني عملية من نوعها خلال أسبوع بهدف منع أي تموضع إيراني على الحدود.
كل طرف عم يتحرك للهدف نفسو: التخلص من كل الأطراف المرتبطة بايران وبحزب الله بسوريا وبمباركة من واشنطن، فتوقيت رفع الولايات المتحدة “تحرير الشام” من قائمة الإرهاب مش صدفة.
أما عن الحدود اللبنانية السورية، المبعوث توماس برّاك من بعد لقائو الرئيس جوزاف عون ركّز على “ضرورة وقف الأعمال العدائية على الحدود السورية الإسرائيلية”.
يعني وصلنا لايام صار فيها لبنان يعكّر الاستقرار بالمنطقة.
View this post on Instagram