لبنان الرسمي ناطر جواب واشنطن عالرد اللي سلّمو إياه للمبعوث الأميركي توم باراك. ومن هلق لوقت توصل الكلمة الأميركية، البلد عايش حالة ترقّب… بس الأكيد، إنو حزب الله ما بدّل موقفه وبعدو عم يلوّح بسلاحو.
وبراك من جهتو محمّل المسؤولية للدولة اللبنانية. والموقف الأميركي صار أوضح اليوم، مع تصريح الناطق باسم الخارجية: الدولة اللبنانية لازم تتحرّك وتشيل سلاح حزب الله والبُنى التابعة لأي جهة غير حكومية بشكل كامل.
بس، إذا الدولة معتبرة إنو الجنوب “نُضّف”، فليش العمليات الإسرائيلية عم تكون مركزة تحديدًا جنوب الليطاني؟
اليوم، المنطقة عم تركض باتجاه التهدئة: غزة على طريق وقف إطلاق النار،
سوريا عم تفاوض إسرائيل، ونحنا قاعدين، ناطرين رد عارفين مسبقا نتيجتو.
عم نتذاكى ونتحايل ونلف وندور لنربح وقت كرمال نهاية معروفة مسبقا اذا مصرين ما نمشي بالاتفاق يلي ع أساس الكل موافق عليه.
المراهنة على عامل الوقت مش بمحلو اليوم، لأن الوقت عم يركض وصار الوقت الدولة اللبنانية تتحمل مسؤولياتها وتكون على قد مضمون بيانها الوزاري
View this post on Instagram