IMLebanon
SGBL Ad

مشاهير لبنان ينعون زياد الرحباني

شكّلت وفاة الفنان الكبير زياد الرحباني صدمة في الأوساط الثقافية والفنية، حيث نعاه عدد من الفنانين اللبنانيين بكلمات مؤثرة.

ونشر سلطان الطرب جورج وسوف صورة تجمعه بالفنان الراحل زياد الرحباني وقال: “رحل زياد العبقري، رحل زياد المبدع، اعمالك رح تبقى خالدة وفنك العظيم بالقلب والفكر على مر الاجيال. أحرّ التعازي للسيدة فيروز الأم ولعائلة الرحباني ولكل محبيك يا زياد”.

وكتبت الممثلة اللبنانية كارمن لبس عبر منصة “اكس”: ليش هيك… حاسة كل شي راح، حاسة فضي لبنان.

بدورها، قالت الفنانة اليسا: “زياد الرحباني ما كان فنان عادي والاكيد انو ما كان شخص عادي كمان. عبقريته الموسيقية والفنية ما بتتكرر، واليوم بخسارته خسر لبنان شقفة منو وشقفة كبيرة من ذاكرته الجماعية. #فيروز سفيرتنا للدني كلها هي اليوم إم زياد، الله يعطيها الصبر والقوة زياد، العظماء متلك ما بيموتوا…”

وقال الممثل اللبناني باسم مغنية عبر منصة “كس”: “رحل المبدع. وكأنها كانت تقصد أن شادي هو زياد”.

كما كتبت الممثلة اللبنانية رولا حمادة: زياد الرحباني .كل الكلام قليل . يا وجع القلب.

أما الممثلة اللبنانية ورد الخال فقالت: “الفنان لما يروح بيروح معو خيط من خيوط الشمس….. لروحه الرحمة”

كذلك، نشرت الممثلة اللبنانية ريتا حايك صورة للفنان زيد الرحباني على “انستغرام” وقالت: “بينا وكبرنا مش بس عَ فنّك وإبداعك، عَ فكرك كمان. في أجيال كبرت بتحكي متلك، وبتفكّر متلك، و بتحاول تكتب متلك. كان حلمي نعمل مسرح سوا، أنا كتير محظوظة إني عرفتك وحكيت معك. بدّي إبني يكبر عَ مسرحياتك وعلى إبداعاتك. لبنان محظوظ إنو كان عندو عبقري متلك. فخر حقيقي لبلدنا، وإرث فنّي رح يضلّ عايش لأجيال اللي جايي. زياد الرّحباني”.

 

View this post on Instagram

 

A post shared by Rita Hayek (@ritahayek)