من كليمنصو للجنوب، البلد عم يغلي على نار هادية… اللقاء الوطني–الطائفي عند جنبلاط ما كان عادي. مفتي الجمهورية، ومفتي المناطق، وطلال أرسلان بنفس القعدة، والرسالة كانت واضحة: خلّونا نضبّ الساحة الداخلية قبل ما تنفجر كل الجبهات.
بس برّات القعدة، في شي تاني عم يتحضّر. حزب الله خلص تجهيز الـplan b. وزاد استنفارو، وبلّش يوزّع مستلزمات النزوح بقرى الجنوب وعكار، وطلب من البلديات تجهّز المساجد والقاعات، كأنّو الحرب بكرا.
مصادر الحزب بعدا عم تحكي بثقة وشادا ضهرا ما منعرف بمين: ما منخاف من التهديدات، وما حدا بيجبرنا نسلّم سلاحنا. وكل قصة المهل منا الا أداة للضغط. بس بنفس الوقت، الحزب حطّ ٣ سيناريوهات للمرحلة:
اغتيالات وخروقات، أو ضربات أوسع عالبقاع والضاحية، أو حتى حرب شاملة متل أيلول 2024.
بس الأكيد إنو الحزب ما عم ينطر، بل عم يتحضّر، وإذا الحرب راجعة، الكلفة عالية رح تكون عالحزب وعاللبنانيين. وشهر آب يبدو شهر حاسم وجنبلاط حذّر من ضربتين بإيد إسرائيل بشهر آب، وحدة قبل تجديد اليونيفيل، ووحدة بعدها.
والكل عم يتساءل اذا واشنطن بعدها ماسكة زمام الأمور مع التصعيد الإسرائيلي المستمر أكان على الأرض او بالمواقف.
View this post on Instagram