تقرير داني دياب:
عم تشهد كنائس الولايات المتحدة زحف شعبي من مؤمنين وغير مؤمنين من بعد اغتيال الناشط الأميركي المحافظ، والمبشّر الدايم بإيمانو المسيحي تشارلي كيرك برصاص قنّاص يساري خلال مشاركتو بإحدى الفعاليات بجامعة بولاية يوتا.
بعد جريمة الاغتيال وانتشار كل كلام تشارلي وفيديوهاتو، صارت الكنايس بالولايات المتحدة عم تغص بالأميركيين، لدرجة إنو بكتير مناطق، الناس عم يضطروا يمشوا مسافات طويلة، لأنو ما عم يلاقوا محل يصفّوا سياراتن.
ببعض الولايات، عم تفكّر البلديات توسّع مواقف الكنائس قدّ ما زاد الإقبال، والصلوات رجعت تصدح بأصوات الملايين، ومنن كتار كتير كانوا بعاد عن الكنيسة وعن الايمان، وقسم منن كانوا ملحدين.
موت كيرك ما راح هدر بحسب المؤمنين يلي شكروه لدفعن نحو الكنيسة والصلاة. هالحدث هزّ الضمائر وخلى الاميركيين خصوصا يرجعوا لحضن الكنيسة لأنو ببساطة، دم الشهداء هو زرع للإيمان.
View this post on Instagram