اسرائيل بتصعد بالضربات، وواشنطن بتصعد بالمواقف.
ومواقف المبعوث الاميركي طوم براك الاخيرة ما بتبشر بالخير، فاستعدوا يا لبنانيي لاشتداد الحرب مجددا للسنة التالتة على التوالي.
رئيس الحكومة الإسرائيلية بنيامين نتنياهو وصف السنة الجايي بالتاريخية لأمن إسرائيل ويجب “إبادة” المحور الإيراني.
براك شد على ايد نتنياهو وقال انو “حزب الله عدونا، وإيران عدوتنا، ولازم نقطع راس الأفعى ونوقف تمويلها”.
خلص وقت المجاملات والحوارات والديبلوماسية وطالما لبنان بعدو بمرحلة الخطط والقرارات وما انتقل للفعل، يبدو انو واشنطن عاطيي الضو الأخضر لإسرائيل لتتحرك وتتخلص من حزب الله والمحور الإيراني ككل.
براك وصف الوضع بلبنان بالصعب واكد انو الحكومة ما عم تعمل شي غير الحكي. وكشف عن تحويلات مالية كبيرة شهرية لحسابات حزب الله بلبنان. وعن الاتفاق حول انسحاب إسرائيل من النقاط الخمس، أكد انو ما رح تنسحب طالما هيي ما أمنت حدودا.
يعني متل ما مكمل لبنان والمحور كلو، نحنا أمام أشهر صعبة. الحرب راجعة بقوة بكل اسف وبطل لبنان بعيد عنا وسط الغليان يلي عم يلف المنطقة كلها.
بوقت إسرائيل عم توسع ضرباتها بلبنان وعم تتقدم على جبهة غزة، الحزب شاغلو بالو اضاءة صخرة الروشة يوم الخميس 25 أيلول. وشوف يا رئيس الحكومة يا كلمتنا يا كلمتك. بدنا نضويها بصور نصرالله وصفي الدين يعني رح نضويا بالرغم من كل القرارات وكل التعاميم الرسمية.
جهاز اعلام الحزب مستمر ببرنامج الذكرى ومستمرين بمقاومة العدو بصور على صخرة الروشة.
View this post on Instagram