فقدان حقيبتك بالمطار، ممكن يصير فرصة للشهرة على تيك توك، من خلال فيديوز “أنبوكسينغ” لمحتويات الحقايب المفقودة.
فأي شخص ضيّع شنطتو وما طالب فيا خلال 3 أشهر، صارت تلقائيًّا للبيع بمزادات متعاقدة مع شركات الطيران، وأشهرا ببريطانيا وأميركا.
وتطوّر هالـbusiness بسرعة، لدرجة أحد أصحاب المصلحة، افتتح متحف بالمقتنيات الضايعة.
وصارت فيديوهات فتح الحقائب المفقودة، محتوى شائع على تيك توك، فالناس عم تشارك تجاربا بشكل مباشر على الكاميرا.
وممكن تحتوي هالحقايب على أشياء ثمينة متل الساعات الفاخرة وبراندات، أو أشياء غريبة متل العين الزجاجية أو حتى أفعى مجمّدة، الأمر يلي بيجعل هالفيديوهات مثيرة للإهتمام، وبتستقطب ملايين المشاهدات.
مشان هيك، انتبهوا منيح على شنطتكن، وبحال ضاعت منكن، ما تتأخروا بالمطالبة فيا… فالوقت عامل حاسم، قبل ما تصير غراضكن ترند على تيك توك!.
View this post on Instagram