ب7 تشرين الأول 2023 شنت حماس هجوم كبير على اسرائيل من قطاع غزة تحت عنوان “طوفان الأقصى” وبـ 7 تشرين الأول 2025 عم نشهد مفاوضات بين حماس وإسرائيل بشرم الشيخ لتطبيق خطة ترامب للسلام يللي بتنصّ على الانتهاء من حماس بقطاع غزة سياسياً وعسكرياً.
من سنتين لليوم، شو استفادت حماس من الحرب يلي فوتت حالها وفوتت حلفائها بالمنطقة كلن فيا؟
الايرانيين كانوا اعلنوا من اكتر من سنة عبر السيد علي خامنئي أنو عملية ٧ اكتوبر كانت لقطع الطريق على مسار التطبيع العربي- الاسرائيلي، ورجع من كم يوم اكد اسماعيل قاآني أنو حزب الله درّب حماس على عملية ٧ اكتوبر، وكل هالشي بيعني انو ولا للحظة كانت اهداف عملية طوفان الاقصى فلسطينية انما كانت لتحقيق المصلحة الايرانية!
من سنتين لليوم خسرت حماس 7 من قادتها منن إسماعيل هنية، يحيى السنوار، صالح العاروري وغيرن. واليوم عم تخسر وجودها بغزة من بعد ما تسببت بتدمير غزة بشكل كامل وبتهجير قسم كبير من اهلها.
بعد معقول حدا يقدر يحتفل بذكرى ٧ اكتوبر يللي صارت عنوان للنكبة الحديثة؟ هل بعد بيقدر حدا ينغشّ ويبتهج بحرب قبل ما يشوف نهايتها وتبعاتها؟ الحرب مش معركة. الحرب مجموعة معارك… وبهالمعنى حماس خسرت الحرب تماما متل ما خسرها حزب الله يللي في اجماع انو جايي دورو دغري بعد الانتهاء من حماس… فهل رح يتّعظ من يللي صار مع حماس قبل ما يصير فيه متلا؟
View this post on Instagram