ببلد طبيعي، بتلجأ لغوغل مابس، بتعرف تفاصيل مشوارك. الوقت والشوارع والطرقات المقطوعة. بس ببلد متل لبنان رجال دول عظمى ما فهمو عليه وع سياسيي وعلى خططن. ضاع غوغل وما فهم خطورة ادخال الشب ايليو أبو حنا على مخيم شاتيلا.
من شوارع بدارو للعودة لبيتو، فكر الشب ايليو انو طريقو قريبة وسهلة وغوغل بلاقي الجواب على كل شي متل العادي وبلاقيلو طريقو. بس للأسف بلبنان بتلحق غوغل بوصلك ع مخيم شاتيلا.
ما بيعرف ايليو خطورة المنطقة يلي وصلها او يمكن بس عرف قرر يسرع ويهرب خوفا من عملية خطف او قتل متل ما الكل بيسمع عن المخيمات المسلحة.
ايليو فكر انو البلد صار أمان وقادر يتنقل بالليل من منطقة للتانية تيشوف اصحابو ويكزدر معن. ايليو فكر انو عنجد بطل في سلاح متفلت وانو نحنا ببلد في محاسبة. فكر انو ما عنا هموم غير لسلاح يلي عالحدود وانو خطة وضع حد للسلاح المتفلت ماشية عالطريق الصحيح متل ما الحكومة واعدتنا وواعدة العالم كلو.
صحيح اليوم خسرنا ايليو، الشب الطموح والبريء، كرمال سلاح الآخرين عأرضنا. بس اليوم كمان أثبت مسؤولينا للبنانيين وللعالم كلو انو ما في نوى من هالبلد ومن هالمسؤولين وانو ما في أشطر منا بوضع الخطط مش بتطبيقا.
أثبتنا اليوم انو نحنا دولة ما بتحترم لا خطة ولا مهلة ولا شعبها.
أثبتنا انو دم شبابنا بروح رخيص قدام وعود وأوهام.
شو نفع محاسبة عنصر عالحاجز الفلسطيني اذا السلاح باقي بايد هالمنظمات. اذا حماس بغزة واستسلمت ورفعت العشرة ع شو هالعنتريات بمخيمات بيروت؟
View this post on Instagram