تما تصيروا ضحية جديدة لهلعصابة الكبيرة، ركزوا منيح!
شبكة إحتيال خطيرة، عم تخرق واتساب اللبنانيين وتهدد خصوصياتن… فشو عم يصير.
أول شي، عم تبعت العصابة رسالة على تطبيق واتساب لعدد من المواطنين اللبنانيين، بتتضمن عرض وظيفة مغرية بشركة وهمية طبعًا.
وأحيانًا عم ينتحلوا صفات مسؤولين أو أطباء، الأمر يلي بسهّلن عملية كسب ثقة الضحية، وبيطلبوا منا إرسال صورة عن الهوية والمستندات المطلوبة للوظيفة، وبيعرضوا رواتب شهرية، لتضل الأمور طبيعية.
القصة ما بتوقف هون، ومن بعد هالخطوة، بيطلبوا تحويل مبلغ بقيمة 400$ لرقم لبناني عبر “ويش موني” أو شركات أخرى، وبيوعدوا الشخص باستلام المبلغ وأغراض متعلقة بالوظيفة خلال ساعات من شخص رح يتلاقوا في بمكان محدد.
وبس توقع الضحية بالفخ، بتتسكر الخطوط وبينقطع التواصل.
وأوقات عم يستغلوا صور المستندات المرسلة من قبل الضحية، بالإضافة إلى الهوية وجواز السفر، لعمليات تزوير منا فتح حسابات مصرفية.
ومن فترة انتشرت معلومات أمنية كشفت عن وجود شبكة تركية عم تهكّر واتساب اللبنانيين عبر رابط بسيط بمجرّد الضغط علي.
يعني الواتساب طعم هيّن لإصطياد الضحايا… فانتبهوا منيح وما توثقوا بكل رسالة بتوصلكن، أحسن ما تتحوّل المحادثة مع صديق لفخ يسرق هويتك وحساباتك!
View this post on Instagram