اليوم بالبلد في حملات طويلة عريضة عم تستهدف رجل الأعمال انطون صحناوي. المفارقة انو هالحملات مصدرها طرفين تحديدا: حزب الله واعلامو من جهة والنايبة بولا يعقوبيان من جهة تانية… وسبحان الله كيف دايما بولا يعقوبيان بتبيّن انها بذات الخندق مع حزب الله.
بس على قاعدة اعطوني عقل وحاسبوني بيطلع مع بولا يعقوبيان، هيي ذاتها يللي تقدمت بشكوى ضد انطون صحناوي قدام مكتب مقاطعة اسرائيل بوزارة الاقتصاد والتجارة بجرم التواصل مع العدو، هيي ذاتها بولا يعقوبيان بتطلع بنظرية هيي وجماعة جورج سوروس بلبنان انو انطون صحناوي بيبيّض اموال لحزب الله، بوقت عم يتهموه انو اسرائيلي وصهيوني وكل هالاتهامات. كيف ظبطت معهم هيك ما حدا عم يفهم: انو يا صهيوني يا بيبيّض اموال لحزب الله… لانو الاتهامين سوا ما بيظبطوا!!! بس ما تخافوا مع بولا يعقوبيان لأنها بتحاول تظبطها فطلع معها انو انطون صحناوي بيبيّض اموال لحزب الله وبذات الوقت بيشتري الاسرائيليين حتى يسكتوا عنو، مع العلم انو الاسرائيليين اذا مشهورين بشي فأولا انن شاريين الدول كلها…
ويللي بتعجز عنو بولا يعقوبيان يللي عايشة عقدة انطون صحناوي، بيتبرّع عبقري الممانعة حسن علّيق تا يشرحوا بفيديو بولييودي طويل بيشرح في كيف انطون صحناوي صهيوني ومسيطر على لبنان وقصر بعبدا وبكركي ومجلس النواب وعلى الادارة الاميركية وعلى ادارة الفاتيكان وكيف فاتح يمكن ادارة كونية من كوكب المريخ تا يسيطر عالعالم.
بصراحة عقد هالشباب كلن مش بحاجة لتصاريح وافلام تا يعبّروا عنها، انما بحاجة اكتر لعلاج بدير الصليب للامراض العقلية من بعد ما مرق البابا لاوون الرابع عشر وصلّى فيه، بركي ممكن بشفاعة مار شربل ينالوا شي عجيبة وتنفك عقدن يللي ما بتخلص وما رح تخلص حتماً لأنو عقدتن الاساسية مع انطون صحناوي هيي لانو مكرّس كل علاقاتو كرمال انقاذ البلد وتأمين سيادتو عكس ما بدن جماعة حزب الله وبولا يعقوبيان!
View this post on Instagram