شكلو المرشد الأعلى الإيراني علي خامنئي، رح يلحق الأسد على موسكو.
فكشفت صحيفة “التايمز” البريطانية، عن إنو خامنئي عم يخطط للهروب إلى موسكو بحال تصاعدت الإضطرابات بإيران، ووضع خطة للخروج من طهران برفقة دائرة مقرّبة من مساعديه وأفراد عايلتو، إذا فشلت قواتو بقمع المعارضة.
وبيستند هالسيناريو، بحسب الصحيفة، لتجربة حليفو الرئيس السوري السابق بشار الأسد، يلي فرّ من دمشق إلى موسكو نهاية عام 2024، قبل سيطرة قوات المعارضة على العاصمة بكانون الأول.
وذكر مصدر لـ”التايمز”، إنو الخطة الموضوعة بتشمل جمع الأصول والعقارات بالخارج والأموال النقدية لتسهيل مرورن الآمن.
ولفتت الصحيفة إلى إنو خامنئي بيمتلك شبكة واسعة من الأصول، بعضا تحت مظلة “ستاد”، وهي إحدى أقوى المؤسسات بإيران، وجزء من منظومة مؤسسات خيرية شبه حكومية معروفة بتكتمها المالي.
وبتشير التقديرات، وفقًا لتحقيق أجرته رويترز عام 2013، إلى إنو إجمالي هالأصول بيبلغ 95 مليار دولار، بما في ذلك العقارات والشركات، وكلا مملوكة من خامنئي وبسيطر عليها.
وليش موسكو؟ لأن من الآخر ما بقالو ملجأ تاني… يعني بين الخوف من إنقلاب داخلي والتصفيات يلي عم يشهدا المحور… خامنئي ضب الشنطات، وناطر إشارة الهروب لعند صديقو.
View this post on Instagram