ترامب بيطلع من حرب وبحضر للتانية، فمن بعد العملية يلي أمر بتفيذها بفنزويلا، صعّد الرئيس الأميركي بالكلام بوج نظيره الكولومبي ووصفو بالرجل المريض يلي بدو يبيع الكوكايين بالولايات المتحدة .وقال انو هالوضع منو مطوّل.
هيدا مش أول انذار بوجه ترامب للرئيس الكولومبي من بعد ما طلب منو قبل ينتبه.
يعني آخر واحد تمرجل عترامب سحبوا بالبيجاما هوي ومرتو تحت القصف من بيتو. بس في ناس ما بتتعلم من أخطاء غيرها ومصرة تحمل السلاح لحماية تجار المخدرات.
التوتر والتطورات الحاصلة بأميركا اللاتينية منا بعيدة أبدا عن الوضع عنا. فايران والحزب من جديد خسروا حليف قوي ومصدر أساسي لتمويل تحركاتن وحروبن مع سقوط مادورو. وتوقيف مادورو ونقلو ومحاكمتو بواشنطن ردت عليه ايران متل العادي ببيانات وتنديدات ومناشدات للمجتمع الدولي لأن احترام القوانين الدولية عندن أمر نسبي. وأيّ استفزاز جديد بحسب طهران رح يُواجه بردّ أكثر شدة، بيشمل استهداف كافة المصالح الأميركية بالمنطقة. من بعج آخر رد عنيف لإيران واشنطن محتارة بأي صحرا رح تحاول طهران ترد وعلى أي مبنى مهجور ؟ّ!
View this post on Instagram