صحيح إنو مساعدة الآخرين ما بدا سبب لنقوم فيا، إلا إنو هالخبرية لتشجعكن أكتر على هالخطوة.
فأشارت دراسة جديدة، إلى إنو مساعدة الغير لساعات أسبوعيًا، ممكن تبطئ فقدان الذاكرة وتساعد بالوقاية من الخرف.
ووجد الباحثين، إنو القيام بأعمال خيرية بسيطة، بدءًا من التطوع الرسمي وصولًا لمساعدة الأصدقاء أو الجيران، ممكن يبطئ التدهور المعرفي بنسبة بتوصل لـ20%.
وتابع العلماء أكتر من 30 ألف شخص بتبلغ أعمارن 51 سنة وأكتر، على مدى عقدين من الزمن، واختبروا ذاكرتن ومهاراتن الفكرية، من خلال مقابلات هاتفية منتظمة.
من بعدا، درس الباحثين نوعين من سلوك المساعدة: التطوع الرسمي، متل العمل الخيري أو المجتمعي، والمساعدة غير الرسمية، متل الدعم غير المدفوع الأجر للأصدقاء أو الجيران.
ويلي تبيّن، إنو الأشخاص يلي ساعدوا الآخرين عبر هالطريقتين، أظهروا نوع من التباطؤ بالتدهور المعرفي، بنسبة بتتراوح بين 15 و20%، مقارنةً بالأشخاص يلي ما قاموا بهالخطوة.
أما الفائدة الأكبر، فكانت عند المشاركين يلي خصصوا ساعتين لأربع ساعات أسبوعيًا للمساعدة.
فشو بعدكن ناطرين… قوموا طلو عجاركن، يمكن مساعدة صغيرة تعمل فرق كبير لإلو وإلكن.
View this post on Instagram