التطورات الأخيرة يلي عم تصير بالعالم وبالمنطقة تحديدا شاغلة بال الكل وكلنا ناطرين وعم نسأل لوين واصلين.
التظاهرات بعدا مستمرة بايران وترامب واقف مع المتظاهرين وعم يحاول يأمنلن الحماية، وكل ما اشتدت ردات فعل النظام الإيراني بوجن بيطلع ترامب وبلوّح بالتدخل. بس كيف رح يتدخل؟ وأيمتى؟ وشو هوي الهدف؟
العالم كلو ناطر شو ناويي يعمل الرئيس الأميركي من بعد فيلم فنزويلا الأخير.
بحسب المعلومات، الخيارات المطروحة أمام ترامب وبايدو ملف بضمن أكتر من 50 هدف بايران من ضمنن توجيه ضربات عسكرية ضد البرنامج النووي الإيراني أو مواقع الصواريخ الباليستية، أهداف للحرس الثوري الإيراني وميليشيات تابعة الو، بالإضافة لشن هجوم إلكتروني أو استهداف أجهزة الأمن الداخلية الإيرانية التي “تستخدم القوة المميتة ضد المحتجين”.
من جهتها، إيران عم تحط خطة طوارئ لاستهداف منشآت عسكرية أميركية في أنحاء الشرق الأوسط، من ضمنها مواقع بالعراق وسوريا.
هالخطة الإيرانية المتوقعة، استبقتها واشنطن وقامت بإجلاء عدد من الأفراد من قاعدة العديد الجوية في قطر.
ترامب متريث وعم يراقب وعم يعزز قدراتو العسكرية بالشرق وناقلات الطائرات الأميركية بطريقة للمنطقة لشن ضربة واسعة النطاق ولحماية القوات الأميركية وحلفائها بالمنطقة في حال ردت ايران.
اذا “المساعدة بالطريق” للولايات المتحدة وللمتظاهرين الإيرانيين وعن التوقيت؟ ترامب وحده يعلم.
View this post on Instagram