يللي بيتابع المقابلات يللي بتعطيها النايبة بولا يعقوبيان بيلاحظ عالسريع هوسها غير الطبيعي بأنطون الصحناوي يللي بتذكرو بكل مقابلة شي 50 مرة، لدرجة ما بتعود تنتبه أنها عم تحكي الشي وعكسو وكتير أوقات بذات المقابلة. يعني تخيلوا معي كيف بآخر مقابلة الها مع الزميلة رابعة الزيّات، بتعتبر يعقوبيان أنو كل يللي عملو أنطون الصحناوي من تبرّع لمتحف الهولوكوست، وكلام مورغان أورتاغس عنو بهالاحتفال، هني بس للتعمية عن كون الصحناوي بيبيّض أموال لحزب الله… إيه والله ما عم أمزح هيك قالت بولا يعقوبيان، ورجعت بذات المقابلة توجّهت لحزب الله تا تقلّو: ما توثقوا بأنطون صحناوي لأنو عيلتو استقبلو آرييل شارون ببيتن وقت الاجتياح الإسرائيلي!
يا ست بولا والله العظيم بس كرمال صدقيتك، الله يرحمها، يعني ما بيظبطوا الخبريتين بذات المقابلة، ويمكن أنتي مش منتبهة منيح أنو كل أبواق حزب الله واعلامو، وأنتي منن وأولن، بيقضوها يهاجمو أنطون الصحناوي ليل نهار. بقى يا ريت بتخففي هوس بأنطون الصحناوي، لأنو كل اللبنانيين بيعرفوا ليه حزب الله بيهاجم الصحناوي لأنو الصحناوي ضد المشروع الإيراني وبدّو سيادة لبنان، وبيعرفوا كتير منيح أنتي شخصياً ليه عم تهاجميه، ولأسباب تانية منتحفّظ عن ذكرها بس أكيد كمان لأنك بتحبي تخدمي حزب الله يللي تفاخرتي يوم يللي ذرتي ضيعة السيد حسن نصرالله… نحنا ما مننسى، وأنتي ما تنسي وخففي شوية هوس!
View this post on Instagram