مرة جديدة يخطف مطار رفيق الحريري الدولي في بيروت الأضواء ويحتل صدارة الاخبار انما للأسف من الناحية السلبية حيث انه بات في كل أسبوع يشهد المطار فضيحة جديدة تساهم في الإطاحة بسمعة لبنان.
وبعد سلسلة الاحداث في الأسابيع الأخيرة، وقع اشكال اليوم بين الأجهزة الأمنية في المطار وتحديداً بين بين عناصر من الجيش اللبناني تابعين لجهاز أمن المطار من جهة وعناصر من قوى الأمن الداخلي من جهة أخرى عند نقاط التفتيش ما أدى الى تأخر حركة المغادرين من المطار واستدعى وصول وزير الداخلية في حكومة تصريف الاعمال الذي توجه الى المطار وقال ان الاشكال قد حل ولن يتكرر.
وعلى مواقع التواصل الاجتماعي، اشتعلت التعليقات خصوصاً وانها ليست الحادثة الأولى من هذا النوع في المطار فاحتل وسم #المطار و #مطار_بيروت صادرة الترند في لبنان. وفي ظل الانتقادات العاصفة للدولة والإدارة اللبنانية وحتى الأجهزة في المطار، لم يخل الامر من بعض النكات الطريفة حول الموضوع على طريقة “المضحك المبكي. اليكم ابرز التعليقات في هذا الاطار من قبل ناشطين واعلاميين:
لو بتحلّوا عن ضهر #المطار
— fadichahwan (@fchahwan) September 26, 2018
حتى بالمطار ماشي بين الأجهزة منطق بيي أقوى من بيك!
يا عيب الشوم— Tony Abi Najem (@tonyabinajem) September 26, 2018
ابوابنا مشرعة على المجهول.. من #المطار مرورا بـ #المرفأ وصولا الى #الحدود البرية… لا بد من اعلان انهيار الدولة منرتاح وبتريحونا ..
— Salman Andary (@salmanonline) September 26, 2018
بعد اللي صار و اللي عم بيصير اليوم من بهدلة و جرصة و جنون ب #المطار لازم نغيير الآرمة اللي بتستقبل الزوار اول ما وصولهن من "اهلاً بكم في الجمهورية اللبنانية" ل "اهلاً بكم في العصفورية اللبنانية" … #عصفورية_نحن_عايشين_بعصفورية
— zoulfikar harake? (@HarakeZoulfikar) September 26, 2018
#المطار #الجيش_اللبناني #أبو_ملحم #قوى_الأمن_الداخلي
ما نحتاجه في المطار pic.twitter.com/iFJ291uQpC— Jad Shahrour | جاد (@Jadshahrour) September 26, 2018
يبدو انو كل هالقصص اللي عم تصير ب #المطار هدفها حث المواطن على الصمود ببلدو ?
— Firas Hatoum (@ferashatoum) September 26, 2018
ما تبقى من مؤسسات الدولة عم تنهش بعضها #المطار
— Rona Halabi (@RonaHalabi) September 26, 2018
الوضع حاليا بين القوى الامنية والجيش ? #المطار pic.twitter.com/rYXn23fwES
— محمد السيد (@Mohamadalsayedd) September 26, 2018
الاجهزة متخانقة ببعضا ب #المطار جيش vs قوى امن ومرة جديدة العترة عالمسافرين #شحار
— Nancy Sabeh (@sabehnancy) September 26, 2018
صراع الأجهزة الأمنية يلي هو يمثل صراع طوائف وأحزاب إلى أين؟
البلد ما بقى يحمل يا جماعة
يا انقبرو اتفقو يا انقبرو فلو
بس تنقلو خلافكم على مطار بيروت يلي هو الوحيد يلي عم يدخل مصاري على الخزينة وهو متنفس العالم #المطار— hassan abadi (@hassanabadi19) September 26, 2018
المطار هو مكان سيادي وسمعته من سمعة الوطن وحالته تنبِئُنا بحال الدولة وأداء مسؤوليها#مطار_بيروت
— Ghada Oueiss غادة عويس (@ghadaoueiss) September 26, 2018
#مطار_بيروت خلاف بين جهازي امن يعيق حركة المسافرين…المطار صورة المهزلة ببلد تتناتفه الاطراف السياسية والاجهزة الامنية بتنافس بعضها وريحة الزبالة بتلاقيك عالوصلة… كل الي عم يصير بالمطار ما رح يقنعني انو صدفة، انه دليل على انهيار الدولة بكل مؤسساتها#وان_واي_تيكت
— Bassel Aridi (@basselaridi) September 26, 2018
اللي عم بيصير بالمطار صورة حقيقية عن بلدنا الفلتان واللي صار اقرب لدولة فاشلة بكل معنى الكلمة. كل مرة بيجرّبوا يجمّلوا الواقع الفاجر بيرجع الواقع بيفرض حاله وبيكشف كذبهم. نحنا زريبة حقيقةً.
— YORGOS (@YorgoElBittar) September 26, 2018