وصلنا من مسؤولي ومنظمة التحرك الشعبي لجمهور الحكمة مساء الأربعاء البيان التالي الذي أكد الاستمرار بالتجمع. وجاء في البيان:
“وارفعوا راسكن لفوق لفوق لفوق… لمطرح ما بينتهي الزمان.
مرة جديدة، جمهور نادي الحكمة بيحمي النادي،
مرة جديدة، جمهور نادي الحكمة بوصل كلمته،
مرة جديدة، جمهور نادي الحكمة بيخطي خطوة الألف ميل على درب انقاذ النادي،
اليوم وبنهار الوفاء للـpresident أنطوان الشويري، بلشت الأخبار الحلوة توصل، بلشوا اعضاء اللجنة الإدارية يسمعوا صوت الجمهور يلي لولاه ولولا تحركه وضغتو يلي رح يتجلى بأحلا صورة اليوم كان هالنادي راح عالدمار والخراب..
اليوم بلشنا نسمع بالاستقالات، بعدنا ناطرين تكملوا خطواتكم، حطوا الاستقالة بعهدة الأبونا جان بول، وتعهدوا بعدم الترشح، وتركونا نرد النادي لايام العز
اليوم يا حكماوي نهار الوفاء، اليوم نهار الثورة البيضة، اليوم نهار تصحيح وتصويب الاخطاء اليوم يوم الحفاظ على النادي..
يمكن من هلق للساعة 8 تكون اللجنة الادارية كلها سوا استقالت او يمكن غالبية اعضائها، نحنا رح نضل مكملين لحنى تنقبل هالاستقالة، اوعى حدن يقنعكن انه رح نوقف نشاطتنا، نحنا مكفايين اليوم يا شباب بتحركنا على ساحة ساسين، وباذن الله منرفع راسنا لفوق لفوق لفوق لمطرح ما الـpresident انطوان الشويري بحبنا نكون دايمًا..
علّوا الريات، وافرحوا بالانجازات.. جمهور نادي الحكمة، جمهور الوفا والبطولة، ساحة ساسين، ساحة البشير، ساحة الانتصارات والانجازات نطرتكم اليوم عالساعة 8”!