IMLebanon

نادين نجيم ضحية انفجار بيروت.. وعمليّتها استغرقت 6 ساعات!(فيديو)

أعلنت الإعلامية ريما نجيم أن الممثلة نادين نسيب نجيم أصيبت جراء الانفجار الذي هز بيروت، وخضعت لعملية جراحية طويلة استمرت لـ 6 ساعات

وغردت ريما نجيم عبر “تويتر”، بالقول: “لكل اللي عم يسألوني عن نادين نسيب نجيم وبدن يطمنوا عنا بعتذر كون عم بنقل خبر بيشغل البال بس نادين تأذت بالانفجار”.

وأضافت: “خضعت لعملية جراحية طويلة استمرت 6 ساعات وهي حاليا أفضل والأولاد بأمان الحمدلله انشاءلله قريبا بتحكي معكن هي بس طلبت طمنكن عليها”.

كما طلبت من محبيها الصلاة لها من أجل تعافيها وعودتها سالمة إلى حياتها الطبيعية وعائلتها.

 

View this post on Instagram

 

بشكر ربي أولاً رجع خلقني وأعطاني عمر جديد الانفجار كان قريب والمنظر مش متل الحكي فعلاً يلي بيفوت عل بيت وبيشوف الدم وين ما كان وكل شي مكسر ما بيقول انه بعدنا عايشين الحمدالله الف مرة عطاني القوة انزل ٢٢ طابق حافية مغطسة بالدم تقدر خلص حالي الناس كلها مدممة جرحى قتلى سيارات مكسرة ناس عم تصرخ وتبكي وقفت سيارة قلتله دخيلك ساعدني كان ابن حلال وصلني على اول مشفى رفضوا يستقبلوني لانه كانت مكدسة بالجرحى رجع اخدني على مشفى المشرق اسعفوني وخضعت لعملية ٦ ساعات لانه نص وجهي وجسمي مدمم بس يلي شفته عل ارض صعب كتير ينوصف فعلاً وكأنه قنبلة نووية شكراً يا رب انك حميتني وحمدالله ولادي بخير وسلامة ما كانوا بالبيت بشكر الله كل لحظة ويا رب ترحم الموتى وتشفي الجرحى 🙏🏻🙏🏻

A post shared by Nadine Nassib Njeim (@nadine.nassib.njeim) on