IMLebanon

ماغي بو غصن توضح حقيقة فيديو العراك في الشارع

انتشر أمس الإثنين، مقطع فيديو على مواقع التواصل الاجتماعي للممثلة ماغي بو غصن وهي تقوم بردع امرأة تحاول ضرب ابنها على الطريق.

وقامت بو غصن اليوم، بنشر فيديو توضيحي عبر صفحاتها الرسمية على مواقع التواصل الاجتماعي، كشفت فيه عن حقيقة الأمر.

وأرفقته بتعليقٍ جاء فيه: “يسرّنا التعاون مع الممثلة ماغي بو غصن كسفيرة إعلامية لجمعية حماية لننشر سوا الوعي حول ظاهرة العنف ضدّ الأطفال بكافة أشكاله”.

وتابعت: “منعرف قدي التحديات بمجتمعاتنا كتيرة والظروف صعبة بس بتضامننا منقدر نحمي أطفالنا ونقدّم للأهل الدعم اللازم لرعاية أطفالهم. كتير مهم لما نشهد على عنف ضد طفل نتدخل بشكل آمن وبأقل ضرر ممكن. سلامة الأطفال قضيتنا ومهمتنا”.

وفي منشور ثان، قالت: “لما صورنا المشهد التمثيلي بعد ما اتفقنا مع الإم وابنها على كل تفاصيله.. تقصّدت اتصرّف بشكل صادم وعفوي متل أي شخص ممكن يصادف هيك موقف.. تقصدنا نشوف ردة فعلكن ونتابع آراءكن.. الهدف الأول نلفت النظر لحوادث التعنيف اللي عم تمرق مرور الكرام.. ونقول إنّو بهيك مواقف لازم نتدخل لنحمي الضحية.. بس كمان لازم ننتبه إنه التدخل يكون متّزن وعقلاني.. وما نقابل العنف بعنف.. حتى اتجاه المعتدي.. كلنا بحاجة لنقرا ونتابع ونفهم كيف نتصرّف بهيك حالات.. وكلنا لازم نواجه حالات التعنيف والتحرّش والاغتصاب المتزايدة بمجتمعنا ونلجأ للقانون..”.

وأضافت: “رح حاول أنا وجمعية حماية نعمل خطوات جديّة تحمي مجتمعاتنا وأطفالنا.. ان شاء الله نقدر نعمل فرق.. كل التقدير لتفاعلكن الكبير اللي خلق مساحات للنقاش بتعلّمنا وبتوعّينا.. بشكر كل الصحافيين المحترمين على الدعم.. وكل النجوم والزملاء اللي اتصلوا واهتموا يدعموا وينضمّوا للجمعية”.