كل ما نقول قرب الفرج الحكومي ببين علة جديدة بالتشكيل.
٤٨ ساعة وبيطلع الدخان الابيض، توقُع صرلنا اسبوعين ناطرينو.
ومع كل زيارة للرئيس المكلف عبعبدا، ومع كل تصريح الو، منضيع ومنحتار. قرب يعلن عن الحكومة؟ في احزاب او ما في؟ اذا كل هالتسريبات غلط ، صرخة هالاحزاب كلها عشو طالعة لكان؟
ليش الكل مستنكر قصة “اعلاء” الثنائي بالتشكيلة وخصوصا أنو تبيّن أنن مش قبلانين ما يسمّوا ضمنيا هني الوزير الشيعي الخامس كمان، وما عم يقبلوا بالاسم يللي طرحوا الرئيس نواف سلام؟
هلق يلي فهمنا من اخر زيارة انو حكومة سلام بتمثل الاحزاب ولو بغير حزبيين، بس بعدا الطاسي ضايعة بطريقة توزيع الحقائب.
وبيبقى السؤال: ليه قرر الرئيس نواف سلام يعطي وزيرين او 3 وزرا لمجموعة كلنا ارادة، في حدا يشرحلنا بصفتن مين؟ يعني كم نايب بمثلن تنقدر نحكي عن قسمة حق بالتوزيع؟ ام كل القصة قصة مصاهرة وانو ابنو للرئيس سلام متزوج من اختو للمسؤول الكبير بكلنا ارادة فراس أبي ناصيف؟ وهل شي مرة حدا سأل مجموعة كلنا ارادة عن فسادها بإنفاق عشرات ملايبن الدولارات لشراء الاعلام بلبنان… وهل عم يصرّحوا عن هالانفاق الهائل؟ ومن اين لهم هذا؟ ومن وين فكرن يرجعوا يردوا عشرات ملايين الدولارات يللي عم يدفعوها؟! وهل هيدي هيي الشفافية ومحاربة الفساد يللي بيخبرونا عنها؟
وبيقى سؤال عن استفراد الرئيس سلام بالتمثيل السني لكلنا ارادة… فهل عم يسعى لإلغاء ممثلي الشارع السنّي وخصوصا انو تكتل الاعتدال الوطني وغيرو عم يشتكوا من المسار التشاوري يلي ما عم يراعي المعايير نفسا بين الكتل النيابية، وعم يلوحوا بحجب الثقة عن حكومة سلام… فإذا هيك مبلشة القصص قبل التشكيل كيف ممكن تقلع هيك حكومة وكيف ممكن تصمد؟
View this post on Instagram