فضيحة جديدة نزلت متل الصاعقة على مجموعة “كلنا إرادة” والتيار العوني على رأسن القاضية المتقاعدة غادة عون ومحامي “التيار” وديع عقل.
جماعة مكافحة الفساد والفاسدين طلعوا حاطين ايدن بايد مفبرك فساد international، فالمحامي الفرنسي صديقن وليام بوردون ويلي شادين ظهرن فيه بملفات كتيرة مرتبطة بالحاكم السابق لمصرف لبنان رياض سلامة واقع وقعة جديدة وفضايحو بالجملة عم تنكشف بفرنسا.
ما سمعنا ولا بسمة من غادة عون ووديع عقل ومنير يونس وأصحابن لما انكشف فساد وليام بوردون… وين الشباب؟ ليه اختفى حسّن؟ معقول ما عم يقروا ويتابعوا؟ او خايفين اذا انفضحت كل ارتكابات بوردون توصل الموس لرقبتن؟
آخر فضايح وليام بوردون نشرتها صحيفة la lettre الفرنسية ويلي دفعت بجمعية “الشفافية الدولية” انو توقف التعامل مع بوردون بسبب ملف رئيس الكونغو.
وكانت صحيفة le parisien وliberation فتحو ملفات فساد بوردون من سنة 2023 بفضيحة عربية كمان، مرتبطة بتلقي مبالغ نقدية من الباحث الإسلامي نبيل إنصري والناشط جان-بيير دوثيون، المتهمين بالفساد واستغلال النفوذ، لتقديم شكاوى قانونية ضد شخصيات محسوبة على النظامين السعودي والإماراتي.
يعني المحامي الفرنسي العريق ويلي مستندين عليه تيعطين مصداقية بملفاتن ضد سلامه طلع غاطس بالفساد من راسو لكعب ايجريه وغسيلو منشور عصفحات جرايد فرنسا.
ويلي بينرشى ليفبرك ضد أنظمة عربية هيني كتير يفبرك ملفات ضد حاكم مصرف لبنان السابق مقابل الكاش خدمة لنظام مالي جديد عم ينبنى بلبنان.
أيمتى ناويين القضاءين الفرنسي واللبناني يتحركو للتحقيق مع بوردون ليدققوا بخلفية كل الفبركات والادعاءات اللي قدّمها بحق سلامة والجهات اللي كانت توقف خلفه وتموّلو؟
View this post on Instagram