تقرير داني دياب:
من بعد إصدار وزارة الصحة قرار بيقضي بتعليق العمل بـ”مي تنورين” وسحب منتجاتها، لانو غير مطابقة للمواصفات وبتحتوي على جراثيم خرج بعض “المحبّين” وبلشوا بإستغلال الوضع عبر وسائل التواصل.
وبهيدا التقرير رح ننقلكم بعض الحقائق اللي لازم يتصلت الضوء عليها:
أولًا، “الصحة” ما أبلغت الشركة بالقرار مباشرة بل انو الشركة تبلغته عبر “السوشيل ميديا”
ثانيًا، العينيات اللي تم أخدا من قبل الوزارة كانت بتاريخ 6 تشرين الأول والقرار صدر بـ 13 منه، فإذا صحة المواطن مهمة لهالدرجة ليش هالفرق بالوقت؟
ثالثًا، وبحسب بعض المصادر بالشركة ما حدا عارف من وين وكيف تم أخذ العيينات من قبل الوزارة
رابعًا، نهار الجمعة 10 تشرين الأول تم أخذ عيينات جديدة من قبل الوزارة وطلعت نتايجها مطابقة للمواصفات، وبالرغم من هالنتايج صدر القرار نهار التنين
خامسًا، الوزارة عملت الاختبارات على العيينات بمستشفى رفيق الحريري الحكومي، وبحسب بعض الخبرا هون الشكوك لازم تحوم حول المستشفى ومش العيينات
سادسًا، اعتمد قرار الوزارة على فحص مش معتمد عالميًا من سنة الـ92 بوقت الفحص المعتمد هو فحص الـISO 16266
وبالختام، رح اتركن مع بعض الفحوصات الي انعملت من قبل كذا مختبر بلبنان وبالخارج وأكدت أنو بضاعة شركة تنورين مطابقة للمواصفات وبالتالي “لازم يروحوا يخيطوا بغير مسلة”.
View this post on Instagram