جربنا نطنش لسنوات كتيرة ونغض النظر ونتحمل مغامراتكن الصبيانية ونراهن انو هالمرة رح ترجعو لوطنكن ولارضكن بس هالاسلوب المهذب ما مشي معكن.. ومع انو الصراحة بتجرح بس صار الوقت انو الرئيس جوزاف عون يقولا لأن الوقاحة وصلت فيكن انكن تخونو الرئيس يلي عم يحاول بالديبلوماسية ينقذ ما تبقى من بيوت الجنوبيين.
الرئيس عون رفع السقف وأعلن انو يلي جرنا للحرب عم يحاسبنا اليوم لأننا اخذنا قرار الذهاب للمفاوضات بحجة عدم وجود إجماع وطني. وسأل: هل لما رحتوا للحرب اخدتوا القرار من بعد اجماع وطني؟
ورد بطريقة مباشرة على كلام نعيم قاسم وبيان الحزب المنهارين ويلي مأضايينا بيانات هاليومين: “الخيانة بيرتكبها يلي بياخذ بلده للحرب تحقيقا لمصالح خارجية”.
يعني قبل ما تبلشو حملتكن عالرئيس وقفوا قدام المراية وشوفوا افعالكم.
ونصايحكن وتعليماتكن ما بتمشي عالرئيس عون. بتمشي عليكن وأنجأ لأن القرار النهائي الكل بيعرف انو مش عندكن. عند ايران يلي بتتشكروا كل ما فوتونا بمصيبة معكن.
يلي وضع لبنان بدوامة عدم استقرار مش الحكومة ولا الرئيس عون. حروبكن الخارجية هيي يلي حرمتنا الاستقرار الامني والاقتصادي.
وليكن معلوما يا شيخ نعيم وبوضوح: هذه المفاوضات هي حبل خلاص اللبنانيين والجنوبيين الوحيد. ولا تعنينا جبهة ايران ولا جبهة غزة ولا اي طرف آخر لا من قريب ولا بعيد.
View this post on Instagram