مشهد أمني مقلق عم يتكرّر بدول الخليج، بعد سلسلة إعلانات عن تفكيك عشرات الخلايا المرتبطة بإيران بأقل من شهر.
آخر هالتطورات كان بالكويت، يلي أعلنت إحباط محاولة تسلل ضباط من الحرس الثوري الإيراني عبر البحر.
هالحادثة إجت ضمن سلسلة كشفت فيها البحرين شبكة تخريبية واعتقلت عشرات المشتبه فيهم، بينما قطر ضبطت خليتين مرتبطتين بالحرس الثوري، والإمارات أعلنت تفكيك تنظيمين خلال آذار ونيسان، تنظيم مرتبط بالحزب والثاني مباشرة بالحرس الثوري.
بحسب قراءات أمنية، ظهور أكتر من 12 خلية خلال 27 يوم مش صدفة، ولا مؤشر على نشاط طارئ. الحديث هون عن خلايا نائمة، تم إعدادها وتجهيزها مسبقًا، وبتتحرّك بس لما تشوف طهران إنو الظروف السياسية أو الأمنية صارت مناسبة.
اليوم، الرسالة واضحة: دول الخليج أمام اختبار جديد لأن الاعتداءات يلي عم تتعرضلها بشكل شبه يومي من مسيرات إيرانية والخلايا يلي عم تتحرك داخليا يمكن منا الا البداية.
View this post on Instagram