الصراع الأميركي- الإيراني بين لغة تهديد عالية ومحاولات تفاوض بعدها بعده ما نضجت.
المرشد الأعلى الإيراني علي خامنئي كان واضح بتحذيره: أي هجوم أميركي على إيران رح يجرّ المنطقة كلّها على صراع إقليمي مفتوح. خامنئي اعتبر إنو واشنطن عم تمارس حرب نفسية، من خلال تحريك الأساطيل وحاملات الطائرات، وأكد إنو إيران ما بتسعى للحرب، بس جاهزة تردّ بقسوة إذا انفرضت عليها.
هالاساطيل يلي ترامب وصفها بانها أكبر من يلي تم ارسالها لفنزويلا مش معباية عين الحرس الثوري الإيراني يلي قلّل من أهمية التعزيزات العسكرية الأميركية بالمنطقة، واعتبرها مجرّد استعراض ضغط.
ان كان استعراض للضغط ففينا نقول ترامب نجح بجر طهران للتفاوض يلي بدورو كشف عن انو إيران عم “تتواصل” مع واشنطن بطريقة غير مباشرة، وكل الخيارات بعدها مطروحة.
وبين هالتصعيد العسكري والسياسي، في حراك دبلوماسي مكثّف: قطر، روسيا، تركيا ومصر عم يحاولوا يلعبوا دور وساطة لخفض التوتر، بظل قناعة إيرانية معلَنة إنو الحرب مش لمصلحة حدا… لا إيران، ولا واشنطن، ولا المنطقة.
فهل نحن قدّام مواجهة فعلية، أو عشية صفقة جديدة؟
View this post on Instagram