كلو مجهز حالو وواقف ع سلاحو بالمنطقة. البعض سلاحو الحكي بينما الآخرين محضرين نفسن عسكريا وعززو وجودن بالمنطقة.
هلق يلي عم يتعنتر بالحكي صرلو من اتفاق وقف اطلاق النار ساكت عسكريا وناشط كلاميا، بس انو توصل فيكن الوقاحة يا واشنطن ويا تل أبيب اتقربو صوب ايران. ابدااا لن نقبل ولن نقف على حياد.
لأن شعب بسمنة وشعب بزيت.
شعب بيتهجر من بيوتو وارضو بسبب حرب اسناد ما الو فيا ويمنع من العودة بسبب تشبث حزب بسلاحو غير الشرعي بنظر الدولة اللبنانية والدول أجمع. بيرجع هالشعب نفسو بيدفع ثمن حرب اسناد جديدة لدولة جديدة.
منسمع خطاب قاسم منقول اوف شو رح يعمل الحزب اذا ولعت بين ايران وواشنطن عسكريا، منرجع منطلع ع يلي عاملو الحزب هيي وولعانة بلبنان فعليا منرجع منروق ومنقعد نتفرج ع يلي عم بصير حولينا.
لشو الاصرار على ابقاء سلاح لم ولن يستعمل. جكارة بأهل الجنوب وباللبنانيين لتمنعوا عنن اعادة الاعمار والازدهار؟
اكيد العين على ايران وعلى واشنطن اليوم لنعرف مصير المنطقة بس مصيرنا للأسف ما في مهرب منو طالما السلاح شمال الليطاني مش ناويي الحزب يسلموا وما بقا الا جلادة اسرائيل تفاوض عليه واجتماعات الميكانيزم كلها ما بقى تعنيها والضربات الكثيفة عالجنوب وعقياديي الحزب مؤخرا اكبر دليل على الخط يلي ماشية في اسرائيل. وما في غير اللبنانيين خسرانين بهالمعادلة. ما في نية تسليم سلاح يعني ما في اجتماعات للميكانيزم يعني انسوا الانسحاب من النقاط الخمسة واستعادة الرهائن.
View this post on Instagram